"Qida Təhlükəsizliyi Agentliyinin rəhbəri Qorxmaz Təhməzli 2017-ci ilin dekabrında bu vəzifəyə təyin olunandan onun Slovakiyadakı şirkətinin gəlirlərində əhəmiyyətli artım olub".
Vətəninfo.az xəbər verir ki,bu fikirlər Qorxmaz Təhməzlinin Avropadakı topdağıtmaz əmlakı və biznesi ilə bağlı jurnalist Cavanşir Həsənlinin yaydığı xəbərdə qeyd edilir.Cavanşir Həsənlinin yaydığı məlumatda daha sonra vurğulanır ki,
2017-ci ildə gəlirlər 539 avrodan 2018-ci ildə 26886 avroya, ötən il isə 59307 avroya qədər yüksəlib: "Təyinatdan sonra cənab Təhməzli Bratislavadakı Saffran S.R.O-nu Nazim İmanovun oğlu Cavidan İmanovun və Ukrayna vətəndaşı Svitlana Palamrçukun adına keçirmişdi. Yeri gəlmişkən, agentlik rəhbərinin Ukraynadakı eyniadlı şirkəti həmin ildən Fövqəladə Hallar naziri Kəmaləddin Heydərovun "Gilan Tekstil" şirkətinin məhsullarını bu ölkədə satmaq hüququnu əldə edib"
